Степан Семёнович Уляшев

1909–1943

 Уроженец с. Вольдино. На Великую Отечественную войну призван 19 июля 1941 г., рядовой. Пропал без вести в феврале 1943 г.

 «Книга памяти Республики Коми», том 3, стр. 291

Лар Öлексан Агниялöн верöс. Гожöмъяснас уджалiсны гозъя «Вöр фронт» колхозын. Арнас тэрмасьлiсны öдйöджык вартны нянь, ляпкыд лым вылас муяс вылö петкöдны куйöд, вайны пес (помечöн вöрö вöчлiсны тулысын гöра-кöдзаöдз), а Пöкрöв бöрын мужичöйясöс лэдзлывлiсны кыйсьыны либö сезонникъясöн кер лэдзны вöрпунктъяслы.

 Семен Степан тöлысьясöн кыйсис Югыдтыдорын Пиля Опонькöд. Век волывлiсны озыр кыйдöсöн: чери-яйöн, дона куясöн.

 Ставыс вöлi бур, но шогсис, мый гозъялöн абу челядь. Зэв ёна радейтiс гöтыр обыслысь – Лар Ликöлысь, Радасö.

 Кор Семен Степан Пиля Опонь ёртыс моз жö вошис пыдöстöм война адас, гöтырыс унаысь жö шулывлiс: «Весиг öд кага ас пыддиыс эз коль, некодлы ме дор горöдны».

 Степан Семёнович 1943-öд воын веськалöма фашистъяс гыжйö. Сэнi тшöтш вöлöма Сордйылысь Попов Константин Иванович. Сiйö и вайöма Степан гöтырлы верöс йывсьыс юöрсö.

 Куимысь пö пышйылiс пленсьыс Степан, да век кыйлiсны. Коми зон вöлi зэв ён, повтöм, сылöн врагъяс вылö помтöм скöрлуныс сетiс ыджыдсьыс-ыджыд вын. 5-6-öн эз вермыны водзсасьны. Коймöдысь кутöм бöрас лэдзисны понъясöс, кодъяс «по частям» косявлiсны повтöм Степанöс.

                                                                                                         П.А. Уляшева

Материал предоставлен Вольдинской библиотекой